Pag-ibig

Lagi kang nasa isip

At di maalisalis

Kapag hangi’y umihip

Puso’y naghihinagpis

Ang pag-ibig na wagas

Na sa aki’y taliwas

Mga yakap at halik

Ay di maibabalik

Kaibigan

Dito sa mundo’y mahirap magisa

Hindi malaman kung kanino sasama.

Kung sino pa ang taong malapit sa’yo

Siya pa mismo ang magbabagsak sa’yo

Maraming taong nagbabalat kayo

Sa puso’t isip mo’y di malayo

Sa paglalakbay tungo sa malayo

Iyong makikita ang magiging kasundo

Ang tunay na kaibigan ay hindi ka iiwan

Sa twing may poblema’y palaging nariyan

Ang palaging kasama sa lungkot at saya

At nagbibigay lakas loob twina

INAY

Siya ang taong lubos kang kilala

Simula pagkabata’y siya ang kasama

Hindi maalis sa kanyang mga mata

Ang tuwang kanyang natamasa

Nang ika’y kanyang unang nasilayan

Hindi malaman ang kanyang nadama

Mga mata niya’y puno ng luha,

Luha na dahila’y ligaya

Sa araw at gabi sa iyo’y nakatingin

Ang bawat oras ay sa iyo nakabaling

Siya’y hindi napapagod sa pag-aaruga

Walang kasing tulad ang kanyang pagkalinga

Pilit kang minulat sa tama

At pilit kang inunawa

Lahat ng payo’y sa iyo ibinigay

Upang sa iyong paglaki ay maging matagumpay

Bakit Nga Ba??

Bakit may mga taong pinipilit ang sarili nila

 sa isang tao na hindi naman sila gusto?

Bakit may mga tao na patuloy na nagmamahal

kahit na nasasaktan?

Bakit may mga tao na hindi matanggap sa sarili nila

na hindi na sila mahal?

Bakit may mga taong nagbubulgbulagan

kahit na niloloko sila ng harapanharapan?

Bakit may mga taong pinipilit ang isang bagay

na malayo nang mangyari muli?

Bakit may mga taong tinitiis ang lahat ng hinagpi

 Dahil lang sa lintik na pag-ibig?

Bakit may mga taong nagpapakamatay

dahil lang iniwan sila?

Bakit nga ba ganyan ang tao

pagdating sa pag-ibig?

Hindi lang naman siya ang tao na kaibig-ibig.

Marami pa naming iba na mas higit sa kanya.

Huwag ikulong ang sarili sa kanya.

Ibaling naman ang tingin sa iba.

Kabataan

Bakit nga ba may mga kabataan na maagang nag-aasawa ngayon? Ano nga kaya ang mga dahilan nila kung bakit nila nagagawa ang mga bagay na iyon? Kahit alam nila na hindi pa iyon ang tamang oras. Para ba mabawasan ang mga responsibilidad nila sa buhay? Hindi ba nila naisip na sa kanilang pag-aasawa ay mas malaki at mas marami silang responsibilidad? May mga kabataan din na alam naman nila na mali pero ginagawa pa rin nila.

            Ayon sa aking mga nakikita at nakakasalamuha na may ganoong karanasan ay mas masaya daw ang buhay may asawa. Hindi nila nararamdaman ang paghihirap dahil sila ay dumidepende pa rin sa kanilang magulang. Hindi rin nila nagagampanan ang pagiging magulang dahil ang mga nagaalaga sa kanilang anak ay ang kanilang lola, magulang o kamaganak. At ang nagbibigay ng panggastos ay ang kanilang mga magulang.

            May mga dahilan din kung bakit sila nag-aasawa nang maaga. Maaaring hindi na sila nagaaral, huminto dahil sa kakulangan sa pang martikula. Sa makatuwid ay wala silang pinagkakaabalahan kaya nila nagawa iyon. Maaari ding sila ay tinatamad na mag-aral kaya pinili nalang nilang mag-asawa. Maaari ding hindi sila na papatnubayan ng kanilang mga magulang. Ang isa pang dahilan ngg maagang pag-aasawa ng isang kabataan ay dahil sa kapusukan ng kanilang mga damdamin kaya nakakagawa ng mga bagay na hindi inaasahan.

            Kung ikaw ay isang kabataan at ayaw mong matulad sa iba na maagang nag-aasawa. Alamin mo muna ang iyong prayoridad bilang isang kabataan. Kailangang maging abala sa pag-aaral upang hindi makagawa ng mga bagay na hindi maganda at hindi dapat. Kailangan ding may pangarap ka na makatapos ng pag-aaral at magkaroon ng magandang trabaho para maging handa sa pag-aasawa. May mga taong maagang nag-aasawa ngunit maaga ring naghihiwalay. Huwag maging sabik sa pag-aasawa dahil darating din iyon sa tamang oras.

Ang Aking Nadarama

Nais kong malaman ang nadarama

Kung ito’y isang pag-ibig na,

Pag-ibig na wala nang hahanapin pa

At halos lahat ay nasa akin na.

Di malaman ang gagawin ‘pag ika’y paparating

At halos di makakilos pag ika’y napayingin.

Di lubusang maisip na parang isang baliw

Sa sobrang kaiisip sa’yo aking giliw

Makita ka lamang ako’y masaya na

Lalo na’t kung kakausapin pa.

Kung ika’y kasama, oras sana’y tumigil na.

At sana’y wala nang sumingit pa.

Bakit di ka maalis sa aking isip

Ang nais ko lamang ako’y matahimik

Bakit di makatiis na di ka masilip

At pipiliting Makita kahit isang saglit.

Created: 2007 / senior high school

For: Activity in Filipino Subject

Inspired by: my crush.. LOL!

*In my first year in college, I passed

this in my Filipino subject for our

final project. We made a book with

all of our poems and such last 2008.